Menu

केशर भण्डारी 'यात्री'
मलाई नरोक, नछेक
म अघि बढ्न चाहन्छु;

नबाध मेरो आँखामा पट्टी
नठोक मेरो खुट्टामा नेल
नहाल पिंजडा भित्र
मेरो यो उड्न चाहने हृदयलाई
उक्लन देऊ मलाई भञ्ज्याङहरू
खेल्न देऊ छालहरूसँगै
म बाधिन चाहन्न, छेकिन चाहन्न;

म चरासँगै उड्न चाहन्छु
म धानको बालासँगै लहराउन चाहन्छु
म नदीसँगै बहन चाहन्छु
म फूलसँगै मुस्कुराउन चाहन्छु;

भिज्न देऊ मलाई झरीहरूमा
दौडन देऊ मलाई मैदानहरूमा
म प्रत्येक उकालो चढ्न चाहन्छु
प्रत्येक ओह्रालो झर्न चाहन्छु
मलाई विहानको सित बटुल्न देऊ
गोधुली साँझको सूर्यास्त हेर्न देऊ;

यी पैतलाले नयाँ पलमा नयाँ आधार टेकून्
यी नयनले नयाँ पलमा नयाँ दृश्य देखून्
म मानव हूँ, मेरो यही स्वाभाव हो
यसैले, तथाकथित बन्धनहरूले
मलाई नरोक, नछेक
म अघि बढ्न याहन्छु
म संसार देख्न चाहन्छु ।

-- केशर भण्डारी 'यात्री'

Post a Comment व्लग खाता

माथीको सामाग्री कस्तो लाग्यो ? कुनै प्रतिकृया भए यहाँ लेख्नुहोस् । अब तपार्इले Emoticon तथा Facebook Comment पनि प्रयोग गर्न सक्नुहुन्छ । Facebook प्रतिकृयाका निम्ति माथीको फेसवुक ट्याब थिच्नुहोस् ।

 
Top