Menu

यात्री केशर
आशैका बिच निराशाको आउला पालो
तिमी हिड्ने बाटो अझै होला उकालो
सुखको सट्टामा दुःखको झरी पर्ला
हास्न खोज्दा, आँखाबाट आशु झर्ला
बरू बस्नु, लिनु आराम तिमी, तर
जिन्दगीमा कहिल्यै नहार्नु तीमी ।

जीवनको मार्गमा धेरै घुम्ती आउला
ठेस ठक्करले झनै मुटु बिझाउला,
जाला हृदयमा पिडाको पहिरो
अन्तरहृदयको खत होला गहिरो
बरू खप्नु शिशिर, कुर्नु बसन्त तिमी
तर जीन्दगीमा कहिल्यै नहार्नु तीमी ।

कालो मेघकै डिलमा हुन्छ चाँदनी घेरो
उदाउनेछ सुनौलो विहान हटी अध्यरो
हिड्दै रहनु अघि नछोड्नु मूलबाटो
पक्कै फेरिनेछ जीवनको यो पाटो
प्रत्येक ढलाइ पछी उठ्दै रहनु तिमी
अघि बढ्नु तर कहिल्यै नहार्नु तिमी !
अह! कहिल्यै नहार्नु तिमी !
हिम्मत नहार्नु तिमी !!
हरेश नखानु तिमी !!!

- यात्री केशर

Post a Comment व्लग खाता

माथीको सामाग्री कस्तो लाग्यो ? कुनै प्रतिकृया भए यहाँ लेख्नुहोस् । अब तपार्इले Emoticon तथा Facebook Comment पनि प्रयोग गर्न सक्नुहुन्छ । Facebook प्रतिकृयाका निम्ति माथीको फेसवुक ट्याब थिच्नुहोस् ।

 
Top